Вы тут

Што зменіцца ў Беларусі 1 лістапада


Павысіцца бюджэт пражытачнага мінімуму

Фота Ганны ЗАНКАВІЧ

Бюджэт пражытачнага мінімуму (БПМ) у разліку на месяц складзе Br214,21. Гэта ўстаноўлена пастановай Міністэрства працы і сацыяльнай абароны ад 26 кастрычнiка 2018 года №79. Новы БПМ працаздольнага насельніцтва складзе Br237,21; пенсіянераў — Br163,93; студэнтаў — Br207,30; дзяцей ва ўзросце да 3 гадоў — Br139,79; дзяцей ад 3 да 6 гадоў — Br191,09; дзяцей ад 6 да 18 гадоў — Br233,56. У сувязі са змяненнем БПМ з 1 лістапада павялічацца мінімальныя працоўныя і сацыяльныя пенсіі; надбаўкі, павышэнні да пенсій і даплаты асобам ва ўзросце 75 гадоў і старэй, якія атрымліваюць пенсіі ў органах па працы, занятасцi i сацыяльнай абароне; дапамогі па доглядзе інваліда першай групы або чалавека, які дасягнуў 80-гадовага ўзросту; дзярждапамогі на дзяцей.

Вырастуць працоўныя пенсіі

Працоўныя пенсіі павялічацца на 5,3 працэнта. Адпаведны ўказ №419 «Аб павышэнні пенсій» Прэзідэнт Беларусі падпісаў 23 кастрычніка. Дакументам прадугледжваецца пераразлік працоўных пенсій з 1 лістапада 2018 года ў сувязі з ростам сярэдняй заработнай платы работнікаў у краіне. Пераразлік ажыццяўляецца шляхам карэкціроўкі фактычнага заработку пенсіянераў зыходзячы з сярэдняй заработнай платы работнікаў у Рэспубліцы Беларусь, прымененай пры папярэднім пераразліку пенсій.

Павялічацца памеры мінімальных спажывецкіх бюджэтаў

Таксама з лістапада ўстаноўлены новыя памеры мінімальных спажывецкіх бюджэтаў (МСБ) для розных сацыяльна-дэмаграфічных груп. Так, да прыкладу, для працаздольнага насельніцтва яны складуць 446,02 рубля, для пенсіянераў — 349,35 рубля, для студэнтаў — 328,98 рубля. Гэтыя памеры мінімальных спажывецкіх бюджэтаў будуць дзейнічаць да 31 студзеня 2019 года.

Падаражэюць цыгарэты

Фота Ганны ЗАНКАВІЧ

Напрыклад, сярод цыгарэт ААТ "Гродзенская тытунёвая фабрыка "Нёман" на 3 капейкі падаражэе "Прэм'ер QS", Minsk city QS, Minsk capital QS. Даражэйшымі на 5 капеек стануць Pall Mall Red, Pall Mall Blue, Pall Mall Silver, Pall Mall Azure. Цыгарэты Pall Mall Demi Blue і Pall Mall Demi Azure паднімуцца ў кошце на 10 капеек, Rothmans Demi Click Purple - на 15 капеек. Таксама падаражэнні закрануць тытунёвую прадукцыю іншых вытворцаў.

Ryanair і Wizz Air зменяць правілы правозу багажу

Так, цяпер на борт авіякампаніі Ryanair можна ўзяць бясплатна толькі маленькую ручную паклажу памерам не больш як 40×20×25 сантыметраў. З 1 лістапада перавозчык будзе лічыць вялікую ручную паклажу платным багажом.

Габарыты ручной паклажы, якую можна бясплатна перавезці самалётамі авіякампаніі Wizz Air, таксама стануць меншымі. Яны будуць складаць 40×30×20 см. Прадметы большага памеру неабходна будзе здаць у багаж і даплаціць.

Узрасце плата за аўтастаянкі ў Мінску

Павялічыцца плата за захоўванне транспарту на плоскасных аўтастаянках. Кошт узрасце з Br30 да Br34 у месяц.

У сталіцы адновіцца трамвайны рух у напрамку чыгуначнага вакзала

Аднаўляецца работа трамвайных маршрутаў № 1 “Зялёны Луг - пл. Мяснікова”, № 4 “Возера - пл. Мяснікова”, № 7 “Серабранка - пл. Мяснікова”. Адначасова адмяняецца работа часовага аўтобуснага маршруту № 901 “Дружная - Камароўскі рынак”.

Павышаюцца экспартныя пошліны на нафту і нафтапрадукты

Стаўка экспартнай пошліны на сырую нафту будзе павышана з $137,5 да $152 за 1 т. Пошліна на прамагонны бензін павысіцца з $75,6 да $83,6 за 1 т, на таварныя бензіны - з $41,2 да $45,6 за 1 т.

Выбар рэдакцыі

Грамадства

Самы паспяховы сезон! З Аўгустоўскага канала сплылі цеплаходы

Самы паспяховы сезон! З Аўгустоўскага канала сплылі цеплаходы

У некаторыя выходныя цеплаход здзяйсняў па канале дванаццаць рэйсаў.

Палітыка

Крызіс на мяжы. Уся аператыўная інфармацыя на нядзелю (абнаўляецца)

Крызіс на мяжы. Уся аператыўная інфармацыя на нядзелю (абнаўляецца)

Аператыўная інфармацыя з беларуска-польскай мяжы.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. Надыходзіць дастаткова актыўны, напоўнены падзеямі тыдзень.

Палітыка

Крызіс на мяжы. Уся аператыўная інфармацыя на суботу (абнаўляецца)

Крызіс на мяжы. Уся аператыўная інфармацыя на суботу (абнаўляецца)

Аператыўная інфармацыя з беларуска-польскай мяжы.