Вы тут

Беларускую АЭС пачалі ахоўваць комплексы «Тор-М2»


1 снежня 2018 года стала эпахальнай датай у гісторыі беларускай арміі. На баявое дзяжурства заступілі воіны-зенітчыкі 1146-га гвардзейскага зенітнага ракетнага палка. Ім належыць прыкрываць вельмі важны дзяржаўны аб'ект - Беларускую атамную электрастанцыю. І, канешне, паветраную прастору на паўночна-заходнім аператыўным кірунку.


Зенітна-ракетны комплекс «Тор-М2». Фота: scoopnest.com

Паветраныя межы ахоўваюцца найноўшым зенітна-ракетным комплексам «Тор-М2». У сваім класе ён лічыцца найлепшым у свеце. Комплекс можа знішчаць адначасова да чатырох цэляў.

- Сёння ва Узброеных Сілах пачынаецца новы навучальны год, - сказаў камандуючы Ваенна-паветранымі сіламі і войскамі проціпаветранай абароны генерал-маёр Ігар Голуб. - Мы выканалі ўсе падрыхтоўчыя мерапрыемствы. Тэхніка пераведзена на зімовы рэжым эксплуатацыі. 1146 зенітны ракетны полк заступае на баявое дзяжурства. Гэта першая задача для войск ВПС і ППА. Полк сфарміраваны ў новым складзе год назад у Баранавічах. 1 чэрвеня яму быў уручаны Баявы сцяг ужо ў новым гарадку непадалёк ад Астраўца.

На працягу года полк выконваў элементы зладжвання, якое скончылася баявымі стрэльбамі падчас аператыўна-тактычных вучэнняў на расійскім палігоне Ашулук. Перад палком стаяла складаная задача. У якасці імітатараў паветраных цэляў выкарыстоўваліся крылатыя ракеты на малых вышынях, беспілотнікі. Полк справіўся на адзнаку «выдатна».

Валяр'ян ШКЛЕННІК

Выбар рэдакцыі

Грамадства

«Сацыяльная зніжка» — каму і на што? Як купіць прадукты танней на 10 %

«Сацыяльная зніжка» — каму і на што? Як купіць прадукты танней на 10 %

На зніжку могуць разлічваць пенсіянеры, шматдзетныя сем'і і.

Палітыка

Андрэй Савіных: Якасць абраных стратэгій не правяраецца ў ідэальных сітуацыях

Андрэй Савіных: Якасць абраных стратэгій не правяраецца ў ідэальных сітуацыях

Беларускі парадак дня нікому не дае расслабіцца, час не дазваляе.

Грамадства

Экстраная дапамога. Як працуе Цэнтр аператыўнага кіравання МНС

Экстраная дапамога. Як працуе Цэнтр аператыўнага кіравання МНС

Дзяжурныя службы — вушы і вочы Міністэрства па надзвычайных сітуацыях. 

Палітыка

Пасол Беларусі ў КНР: З 1992-га тавараабарот з Кітаем вырас больш як у 130 разоў

Пасол Беларусі ў КНР: З 1992-га тавараабарот з Кітаем вырас больш як у 130 разоў

Наперадзе юбілей беларуска-кітайскіх адносін — 30 гадоў.