Вы тут

1 лютага міжнародны спадарожнікавы канал «Беларусь 24» адзначыць 15-годдзе


За гэты час, як падлічылі тэлевізійнікі, вяшчанне не спынялася ні на хвіліну, а адданыя гледачы з'явіліся ў больш чым 100 краінах свету. На сёння ў зоне ўпэўненага прыёму сігналу — Расія і Украіна, краіны СНД, Еўропа, ЗША і Канада, а праз інтэрнэт навіны з радзімы атрымлівае нават беларуская экспедыцыя ў Антарктыдзе.


Замежныя гледачы з найбольшай ахвотай глядзяць праекты пра краявіды Беларусі і ўнікальныя помнікі архітэктуры, пра нашу гісторыю і нацыянальную кухню. Таксама карыстаюцца поспехам перадачы, героі якіх — вядомыя палітыкі, бізнесмены, дзеячы спорту і мастацтва, замежныя госці, якіх з Беларуссю звязвае цікавая гісторыя.

«Мы пастаянна развіваемся, фармат эфіру аднаўляем штогод, але нязменным застаецца прынцып: інфармацыя павінна быць актуальная і аб'ектыўная, праўдзівая і своечасовая», — падкрэслівае кіраўнік канала Аляксандр Мартыненка.

Чытаць болей

Ужо 27-я па ліку Мінская міжнародная кніжная выстаўка-кірмаш пройдзе ў сталіцы на наступным тыдні, з 5 па 9 лютага. З гэтай нагоды сацыякультурны канал «Беларусь 3» падрыхтаваў тэматычную эфірную акцыю «Тыдзень кнігі»: праекты, прысвечаныя беларускім аўтарам, літаратурна-музычныя канцэрты, відэаролікі з вершамі любімых беларускіх паэтаў і, канешне, аператыўныя штодзённыя спецвыпускі «Навін культуры».

4 лютага напярэдадні адкрыцця кніжнага форуму ў эфір выйдзе інтэрв'ю з міністрам інфармацыі Беларусі Аляксандрам Карлюкевічам, які раскажа пра цікавінкі і адметнасці сёлетняй выстаўкі.

Настроіцца на літаратурны лад дапамогуць і іншыя праекты. 5 лютага гледачы сустрэнуцца з паэткай Кацярынай Массэ ў праграме «На вышыні», 6 лютага ўбачаць канцэрт «Льецца песня па-над Шчарай», які быў запісаны летась да Дня беларускага пісьменства, 6 лютага натхняцца канцэртнай праграмай «Зорны карагод» з Нацыянальнага фестывалю беларускай песні і паэзіі «Маладзечна-2018», 8 лютага ўспомняць пра лёс і творчасць Івана Мележа з праектам «Запіскі на палях» і адразу змогуць асвяжыць у памяці кінаэпапею «Людзі на балоце. Палеская хроніка» (1981) паводле аднайменнага рамана класіка.

У рытмах дыска

Гэтая музычная навінка 2020-га яшчэ не трапіла ў ратацыю тэлеканалаў, але яе ўжо можна ўбачыць і пачуць на прасторах інтэрнэту. Беларускі гурт ІОWА, які пашырыў склад і выпусціў свежую песню «У танцы», выклаў у сеціве кліп на яе з удзелам клоўнскага дуэта «Жоўты і чорны» — httрs://уоutu.bе/АHfаD2ІАZV4. А ў дадатак запусціў флэшмоб дзеля «ўтанцыфікацыі» ўсёй краіны.

Першымі ўдзельнікамі флэшмобу #ЖиЧвтанце ўжо сталі Філіп Кіркораў, Міхаіл Галусцян, Аляксандр Кіркораў, Ягор Дружынін і іншыя. Далучыцца музыканты прапанавалі і ўсім прыхільнікам — для гэтага трэба, цытуем, «пад песню «У танцы» пракруціцца тройчы вакол сябе, устаць на левую нагу ў любой смешнай/незвычайнай позе і таньчыць далей», а гатовы ролік вылажыць у Іnstаgrаm і перадаць эстафету сябрам. 1 сакавіка, у Міжнародны дзень танца, усе гэтыя відэа будуць аб'яднаныя ў адну вялікую мазаіку, а аўтары найлепшых ролікаў атрымаюць падарункі ад гурта.

Вікторыя Целяшук

Фота прэс-службы БТРК, артыстаў і з адкрытых крыніц

Загаловак у газеце: Ад Украіны да Антарктыды

Выбар рэдакцыі

Грамадства

Чаму 14 лістапада варта лічыць днём яднання?

Чаму 14 лістапада варта лічыць днём яднання?

З прапанаваных для абмеркавання дат, адна з якіх можа стаць Днём народнага адзінства — 14 лістапада.

Грамадства

Анёл па імені Алена. Як прадпрымальніца стала сацработнікам

Анёл па імені Алена. Як прадпрымальніца стала сацработнікам

Сацыяльны работнік тэрытарыяльнага цэнтра сацыяльнай абароны насельніцтва Маскоўскага раёна Мінска Алена Сцепаненка працуе на сваім месцы каля двух гадоў.

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.