Вы тут

Малыш дачакаецца цяпла


Жыхарка вёскі Пархімовічы Кіраўскага раёна Людміла Гузарэвіч паўтара месяца падкормлівае бусла, які не змог паляцець у вырай, а знайшоў сабе прыстанішча за вясковай ваколіцай.


— Спачатку птушка пасвілася на меліярацыйным канале, а з наступленнем халадоў пайшла да нашага паселішча, — кажа Людміла Міхайлаўна, якая працуе асемянатарам на мясцовым сельгаспрадпрыемстве. — Тройчы на дзень я прыношу ёй ежу — курыныя шыйкі, рыбу — салаку, кільку. Здаецца, буслу падабаецца гэты пажыўны рацыён.

Ніхто дакладна не ведае, якая бяда здарылася з птушкай. Вясковы ветурач, які здаля аглядзеў небараку, мяркуе, што птушка не набрала вагі, да таго ж у яе траўма адной нагі. Людміла Гузарэвіч першай звярнула ўвагу на самотную птушку і ўзяла яе пад сваю «сацыяльную» апеку, дала мянушку Малыш. А яшчэ Людміла Міхайлаўна датэлефанавалася да раённага аддзела аховы прыроды, і ёй далі надзею, што Малыша возьме на ўтрыманне Магілёўскі заасад.

Анатоль КЛЯШЧУК

Фота аўтара

Выбар рэдакцыі

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.

Палітыка

Крызіс на мяжы. Уся аператыўная інфармацыя на чацвер

Крызіс на мяжы. Уся аператыўная інфармацыя на чацвер

Аператыўная інфармацыя з беларуска-польскай мяжы.