Вы тут

У міжраённым медыцынскім цэнтры ў Ваўкавыску пачне працаваць ангіяграфічны кабінет


У Гродзенскай вобласці вызначаны тры раённыя цэнтры з апорнымі клінікамі, на абслугоўванні якіх 5-6 раёнаў. Ваўкавыск — адзін з такіх міжраённых цэнтраў. Цяпер тут знаходзіцца 430 ложкаў, з якіх больш паловы выкарыстоўваецца для лячэння пацыентаў з іншых раёнаў: Зэльвенскага, Слонімскага, Свіслацкага, Бераставіцкага, Мастоўскага і Шчучынскага. Медыцынская дапамога робіцца і на амбулаторным этапе. Агульная колькасць насельніцтва складае 225 тысяч чалавек.


Увядзенне новага корпуса бальніцы ў 2018 годзе дазволіла не толькі палепшыць даступнасць і якасць медыцынскіх паслуг, умовы ўтрымання пацыентаў, але і аб’яднаць медыцынскую ўстанову ў адзіны міжраённы цэнтр. Новая бальніца атрымала сучаснае рэнтген абсталяванне, ультрагукавыя прыборы.

У статусе міжраённай установы працуюць аддзяленне «Шлюб і сям’я», аддзяленні трансфузіялогіі, лапараскапічнай хірургіі. Дарэчы, 80% халецыстэктамій праводзіцца менавіта лапараскапічным спосабам — гэта значыць без надрэзаў, а з дапамогай праколаў.

Акрамя таго, функцыянуюць дыягнастычныя кабінеты, дзе праводзіцца дыягностыка пацыентаў з іншых раёнаў. Гэта кабінет МРТ, КТ, ПЛР-лабараторыя, цыталагічная лабараторыя, праводзіцца УГД-скрынінг цяжарных жанчын на базе жаночай кансультацыі.

Галоўны ўрач раённай бальніцы Алена Грыцкевіч засяроджвае ўвагу на новым дыягнастычным комплексе. У хуткім часе тут адбудзецца адкрыццё ангіяграфічнага кабінета. На сёння такія кабінеты ёсць толькі ў Гродне і Астраўцы.

— Клініка працягвае аднаўляцца, мы атрымалі ангіяграфічны апарат коштам амаль два мільёны рублёў. Апарат дасць магчымасць праводзіць даследаванне сасудаў, у тым ліку аказанне дапамогі людзям з вострым каранарным сіндромам, а таксама будзе выконвацца ангіяграфія сасудаў рознага віду, — зазначае галоўны ўрач бальніцы.

Патрэба ў даным апараце відавочна, кажа Алена Грыцкевіч. На сёння хваробы сістэмы кровазвароту займаюць першае месца ў прычынах смяротнасці і дасягаюць 54%. Таму важна не толькі аказаць экстранную дапамогу, але і перабудаваць работу такім чынам, каб выяўляць пацыентаў з высокай кардыяваскулярнай рызыкай не пры вострым сіндроме, а ў планавым парадку. Цяпер іх можна будзе даследаваць падчас прыёму.

— Пры наяўнасці апарата мы будзем забяспечаны ўсім неабходным на сённяшні дзень для функцыянавання такой апорнай клінікі, — падкрэсліла галоўны ўрач.

Шырока запатрабаваны тут і міжраённы траўматалагічны цэнтр. Асабліва гэта датычыцца эндапратэзавання тазасцегнавых суставаў. Чарга на аперацыю ёсць пастаянна. Напрыклад, летась з мая па снежань было выканана пратэзаванне ўсім заяўленым пацыентам, а гэта каля 200 чалавек. Усе пратэзы закупляюцца праз Мінздраў.

Таксама за кошт сродкаў Міністэрства аховы здароўя ў клініцы набыты апарат магнітна-рэзананснай тамаграфіі, кошт якога склаў 2,5 мільёна рублёў. Яшчэ 1,5 мільёна выдаткавана раённым бюджэтам для рамонту кабінета. Амаль трэцяя частка даследаванняў на апаратах КТ і МРТ прыходзіцца на пацыентаў з іншых раёнаў, што сведчыць аб запатрабаванасці такой апорнай клінікі. Для больш шырокага ахопу насельніцтва арганізаваны два дапаўняльныя аддзяленні УГД-дыягностыкі і эндаскапіі. Апрацоўка ўсіх эндаскапічных вынікаў выконваецца толькі ў аўтаматычным рэжыме.

Галоўны ўрач Алена Грыцкевіч і загадчык кабінета МРТ Гражына Шапель устанаўліваюць рэжымы ўвядзення кантраснага рэчыва ў кабінеце МРТ

Не застаецца без увагі і сельскае насельніцтва. За апошні час адрамантаваны тры амбулаторыі ўрача агульнай практыкі, чатыры ФАПы і дзве бальніцы сястрынскага нагляду, на гэтыя мэты затрачана 101 тысяча рублёў. Летась закуплены перасовачны ФАП, які за паўгода аб’ехаў 115 вёсак.

Фінансаванне на аднаго жыхара за мінулы год у раёне склала больш за 700 рублёў.

Маргарыта УШКЕВІЧ

Фота Лізаветы ГОЛАД

Выбар рэдакцыі

Рэгіёны

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Што абмяркоўвалі на нарадзе органаў мясцовага самакіравання Брэстчыны ў Пінскім раёне?

Добраўпарадкаванне населеных пунктаў і навядзенне парадку на зямлі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.