Аб пенсійным пагадненні паміж краінамі Еўразійскага эканамічнага саюза расказала памочнік старшыні Калегіі ЕЭК Ія Малкіна ў інтэрв'ю праграме «Тыдзень» на тэлеканале СТБ.
Пагадненне аб пенсійным забеспячэнні працоўных краін Еўразійскага эканамічнага саюза ўступіла ў сілу з 1 студзеня 2021 года. Дакумент вызначае парадак і механізм экспарту пенсіі з адной дзяржавы саюза ў іншыя, прадугледжвае суміраванне стажу працы ў дзяржавах ЕАЭС для вызначэння права на пенсію.
«Напрыклад, беларускі грамадзянін, адпрацаваўшы ў Расіі некалькі гадоў, з 2021 года зможа прэтэндаваць на пенсію за гэты перыяд, калі ён заявіць аб яе афармленні ў Беларусі. Прычым абсалютна не важна, у якім пункце саюза чалавек прэтэндуе на атрыманне пенсійнага забеспячэння. Прынцыпова важным з'яўляецца тое, што ў сукупнасці ў працоўны стаж для налічэння пенсіі афармляюцца ўсе перыяды работы, якую непасрэдна грамадзянін ажыццяўляў у любой з дзяржаў — членаў ЕАЭС», — сказала Ія Малкіна.
Акрамя таго, урэгулявана пытанне медыцынскага агляду працоўных у тым выпадку, калі яны прэтэндуюць на атрыманне пенсіі па інваліднасці.
«Па сутнасці, гэта пагадненне рэалізуе адзін з прыярытэтаў еўразійскай эканамічнай інтэграцыі — свабоду перамяшчэння грамадзян. Мы разлічваем, што ў далейшым гэта ў значнай ступені дазволіць прыцягваць у адну дзяржаву саюза найбольш кваліфікаваных спецыялістаў, якія запатрабаваны ў той ці іншы перыяд часу, з іншай дзяржавы — члена ЕАЭС, — адзначыла памочнік старшыні Калегіі ЕЭК. — Гэта, вядома, не адзіны крок, які павінен быць зроблены для таго, каб максімальна адкрыць межы для перамяшчэння грамадзян, але неабходны».
Наталля ТАЛІВІНСКАЯ
Прэв’ю: БЕЛТА
В повестке дня — утверждение концепции нацбезопасности и военной доктрины.
Финалистка проекта «Академия талантов» на ОНТ — о творчестве и жизни.
Почти тысяча двести человек соберутся, чтобы решать важнейшие вопросы развития страны.
